您的当前位置:主页 > F彩生活 >Jack:前作太经典好难媲美《Mass Effect:And

Jack:前作太经典好难媲美《Mass Effect:And

分类:F彩生活 作者:
Jack:前作太经典好难媲美《Mass Effect:And

讲起《Mass Effect》呢个系列,我知香港真係唔太多人有兴趣,但呢只Game喺外国就真係一只超经典RPG游戏。自从《Mass Effect 3》完咗后,以Commander Shepard为主嘅故事亦告一段落,全新嘅《Mass Effect:Andromeda》(下文简称《MEA》)将会係全新故仔全新角色,旧Fans要唔要玩?新人又係唔係可趁机入坑?

600年后仙女座

今集个故事设定係前三部曲之后嘅600年,故事一开设就讲主角成船共约20,000人冷冻睡眠咗600年去醒返,亦即係话佢哋其实係同前三部曲嘅主角係同一个时代嘅人。至于故事舞台设定于外宇宙,以「仙女座计划」为核心嘅宇宙移民船团去到位于仙女座嘅宇宙空间,点解要去呢到係因为觉得呢个地方会有合适人类居住嘅行星,人类为咗搵新家园而要嚮呢个完全陌生嘅环境中面对各种嘅挑战。而主角作为前线「Pathfinder」(开拓者)一员,首先会先到目标星球睇下个环境,当中会跟嚟自唔同地方嘅外星文化接触,当然更会产生冲突啦!

Jack:前作太经典好难媲美《Mass Effect:And

◆ 于新世界入面究竟会见到啲咩呢?

硬派西洋风RPG

唔好以为《MEA》只係一只射击游戏,你咁谂就真係错到离晒地,其实一直以来《Mass Effect》都係以RPG为卖点,《MEA》承袭咗系列风格,继续都係走呢条路,不过有唔少位都见到係有改变。就好似前三集一开始係需要玩家设定好主角个样同埋职业,今集呢啲就欠奉,咁唔代表佢少咗嘢,于故事进行途中主角会同唔同NPC进行对话,有事会需要你对NPC嘅回话选择回答,而俾你选择嘅回答方式就会决定主角往后性格同能力上嘅发展方向,呢点如果你有玩过近期只《Fallout 4》你就会明白。另一个对角色能力有决定性影响就係能力值。玩家可以自行分配得到嘅能力值至唔同嘅技能上面,造出自身风格嘅主角。呢个自订化系统仲会影响埋角色外型以至名称。

Jack:前作太经典好难媲美《Mass Effect:And

◆ 选择唔同嘅回答句子,係会影响到主角嘅性格;性格亦直接影响到角色嘅能力、小队嘅合作性等。

Jack:前作太经典好难媲美《Mass Effect:And

◆ 角色能力可以自订,枪亦有位可以俾大家附加Parts增加能力。

与「任何人」发展爱情

感情线嚮《Mass Effect》系列入面一直都有相当重比例,同外星人发生超友谊关係唔再係唯一重点、男男、女女呢类同性恋关係都可以于游戏当中出现,而且仲要係有画面有影片嗰只喎!主角小队亦同前作一样可以由唔同外星种族嘅战友组成,各有各能力,配搭得好会令只Game变得好易玩。

Jack:前作太经典好难媲美《Mass Effect:And

◆ 同外星人组队出生入死究竟係点感觉嘅呢?

Jack:前作太经典好难媲美《Mass Effect:And

◆ 老老豆豆,我真係接受唔到同呢位外星女生发展关係。

奇怪嘅第三身射击

《MEA》係一只第三身视点(TPS)进行嘅射击游戏,无论係角色移动或者係枪战部份都如是,如果有玩开前作的话,操作上基本上都係差不多,而呢个系统对新手来讲亦都好易适应。唯一想讲係个掩体系统,因为进入掩体唔需要按掣,只要个位可以俾你掩到就会自动进入掩体。但问题就嚟喇,例如前面有旧石,我以为我走埋去就可以成为一个掩体,点知原来呢旧石只係一个装饰布景,走埋去掩唔到即时成为人肉箭靶,死得好惨。

Jack:前作太经典好难媲美《Mass Effect:And

◆ 除咗《Gears of War》系列外,用TPS呢个方法进行嘅射击游戏已经唔多咯。

弊家伙!等出Patch

相信唔只我,好多人都会认为用上Frostbite 3游戏引擎嘅《MEA》理应有上佳嘅画质,我玩PS4版,我觉我成只Game嘅画质係属中上,唯独所有人物除外。仲记得本作当初发表时条Trailer,入面嘅人都做得好靓,男角帅女角索,点知去到成品出街后,所有人物嘅造型都好生硬,表情欠奉之余仲好胶,最大镬係对眼,全部都係死鱼眼,冇神嘅!唔只喎,对比起前三集个故仔,今集个故仔真係平淡过冻滚水,我玩咗大约8小时,真係好闷,闷到我提唔起劲玩落去。作为前三部曲嘅Fans,见到新一集个故仔弱过药煲,如果仲有新一集的话真係唔知点样撑落去。据知BioWare好似正在整紧Patch,主要係修正人物造型等佢哋冇咁硬胶同埋多返嘅面部表情,不过故仔方面应该都冇咩得点救。望一望只《Fallout 4》,再睇返只《MEA》,我明点解到而家都仲有人买《Fallout 4》。

Jack:前作太经典好难媲美《Mass Effect:And

◆ 无论係主角定係NPC,好多时双眼都会死鱼咁,就如图所示。

Jack:前作太经典好难媲美《Mass Effect:And

◆ 呢个係外国网站做嘅PS4同PS4 Pro画面对比,我就真係唔係太觉有分别。另外有外国网站话只Game嚮PS4及PS4 Pro上面只有30fps,呢方面我又係冇乜点考证过,不过我用PS4玩係有时会跳。

总结

嚟到呢度,你可能觉得我对《MEA》唔係好客气,皆因我本身对佢太有期望。诚然《MEA》都唔算係唔好玩,始终有返个底喺到,再加上BioWare呢个名係有保证,只不过前三部曲真係太正太经典,好似我呢口啲老鬼好难唔搵嚟同《MEA》作比较,一比起上嚟真係新不如旧。如果你从来冇玩过《Mass Effect》系列嘅,又唔介意只Game冇中文字幕嘅,其实呢只作品真係唔应该错过,尤其要硬派RPG及玩枪射嚟射去嘅,呢一期真係只此一家。

游戏开发:BioWare

游戏发行:Electronic Arts

游戏类型:ARPG+TPS

游戏平台:PC / PS4 / Xbox One

游戏人数:1至4人

游戏售价:$449

推出日期:已推出

游戏网页